انا مسافر وسايب قلبى وياكى
انا مسافر ولا يمكن رح انساكى
ابيع الدنيا علشانك واضحى بكل املاكى
وبعدك هنى سهرنى وبكانى وزاد نوحى
بحبك يا قمر ليلى يا ضى العين يا روحى
وبيكى تحلى ايامى وتشفى من الجوى جروحى
وبعدك عنى سهرنى وبكانى
حرام ابعد اسيب القلب يتعذب
حرام اسهر واعد النجم واتقلب
حرام يا قلبى بين العظم تتعذب
دموعى ع الخدود سايله على الفرقه
وقلبى من البعاد باكى بكا بحرقه
خلاص يا قلب ما تبكى وبلاش فرقه
رضاكى عنى ياروحى حيكفينى
ونظرة من جمال حسنك حتشفينى
وبسمه من شفايف الورد تروينى
ساعات حبك حاسبها بثانيه وبساعه
وقلبى ليكى رح يوهبلك الطاعه
وروحى فيكى هيمانه وطماعه
فراقك يا حبيب الروح يزيد همى
وحبك يا قمر جوا جرى ف دمى
واحسك بس بمشاعرى يزول همى
اه كلام الحب لايمكن يعبرلك
وعمر الكلمة ما تفيدك ولا تدلك
تعالى للغرام قلبى هنا يدلك
ليالى الهجر يا قمرى تمر سنين
وطول البعد حيزيدنى شجن وانين
وامتى الوصل يجمعنا يا نور العين
منين ارتاح وانا باشرب ومش سكران
عشان محتار ما بين الوصل والهجران
وعايش كل ايامى ما بين تايه وبين حيران
وصالك يا حبيب القلب يسحرنى
وبعدك يا قمر ليلى مسهرنى
واجى ابعد الاقى العقل يهجرنى
هنا فى القلب يا روحى قفلت عليك
باحس باحلى ايامى ف قربى ليك
وادوب من نظرة تنظرها برمش عينيك
محمود عوض الله
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.